Hassan Rouhani: Iran ah mulhin aa baabeh baa!!

Iran ge aa raees, Hassan Rouhani. Photo: Americanlivewire website

Faaithuvedhiya honihiru dhuvahu ethah haas bayaku Iran ge maguthakah fethurigathee egaumuge riyaasee candidate Hassan Rouhani ge kaamiyaabee faahaga kurumasheve. Adhi eh bayaku dhiyaee mi ufaa faalhu kurumaai eku egaumuge kureege sarukaaru thakun hayyaru kohfaivaa ethah satheyka siyaasee kuhverinneh minivan kurumah govaalaamunneve. Hama e’aai eku Iran ge maguthakah ehvefaivaa meehun dhiyaee Iran ah badhaluthakeh gennan vejje kamah bune adu ufulamunneve. Egothun mi’ee e’badhaluthakah gaumu dheelaalanvee enme rangalhu dhandi valhu kamah bune ebaiy meehunge shu’ooru faalhu kuramunneve.

Iran ge riyaasee inthihaabugai, vote lee meehunge gaaiygandakah 18 million vote egaumuge rayyithun vanee Hassan Rouhani ah dheefa eve. Hama miaai eku Iran ge nuclear program ah bainal agvaamee dhuniyeyn kurimathi kuruvaa fihthun thakaai, egaumuge ethereygai ufedhen fashaafaivaa thafaathu mahsalathakuge sababun Rouhani aai eku Iran ge leadership ah egaumuge ihuge siyaasathuthah iyaadha kuran majubooru vedhaane kamah, Iran ge masrahu dhiraasaa kurahvaa faraaiythakun dhanee bunamunneve.

Iran ge mingauduthakah balaairuves Rouhani akee islaahah masaiykaiy kuraa beyfulheh ge gothugai himenigen dhiyumuge jaaga eh netheve. 1999 vana aharu egaumuge kiyaavaa kudhinge harakaathun democracy ah thaaeedhu koh hingi harakaaiythah varah aniyaaverikoh roolhaalumugai Rouhani akee is faraathekeve. Adhi Rouhani dhuvahakuves egaumuge islaahee harakaaiytheringe safuthakah islaahee hiyanyehgai vadhefa eh nuve eve.

1979 vana aharun feshigen dheenee adhi thajuribaakaaru siyaasee faraathahge gothugai faahaga kurevifaifaa Hassan Rouhani akee egaumah genai islaamee ingilaabugaives, eingilaanuge banee Ayatollah Khomeini ge aris beyfulhekeve. Iran ge gaanoonu hadhaa majileehugai 5 aharuge dhaureh furuhvaifaivaa Rouhani akee Iran ge Gaumee salaamathaa behey council ge kureege veriyaaves me’eve.

Inthihaabuge dhuvasvaru Rouhani campaign kohfaivanee eynaa akee medhuminuge siyaasathu thakeh gengulhuhvaa beyfulhehge gothugai Iran ge rayyithunnah visnaidhinumasheve. Vakin khaassakoh egaumuge vote laa zuvaan aabaadhee ge ihsaas thakaai kulhelumah takaiy Rouhani vanee egaumu beyru vefaivaa bainal agvaamee thasveeruge thereah vannan vehje kamah TV medhuverikoh dhin khithoabehgai vidhaalhu vefa eve.

Rouhani ah aamunge ehaa bodu maqboolu kameh libigen dhiya kamah belevey eh sababakee, inthihaabuge dhethin dhuvas kurin egaumuge kureege dhe raeesun kamah vaa Mohammad Khatami aai Akbar Hashemi Rafsanjani egaumugai islaahah masaiykaiy kuraa faraaiy thakuge safun nikume vadaigen Rouhani ah thaaeedhu kuran ninmumaai gulhigenneve. Ehenkamun egaumuge raiyyithun Rouhani ah dhin votakee ebaiy meehunge dheemuguraathee haqqu thah libigathumah beynun kuri kidikee eh kamah gaboolu kurumuge jaaga eba otheve.

Iran ge mifaharuge riyaasee inthihaabah kurimathili 8 candideytunge therein hama ekani dheenee beyfulhaa kamah vaa Rouhani vanee ehen ehves candidate eh vakaalaathu nukuraa varah egaumuge siyaasee adhi ijthimaaee minivan kamah baaru alhuhvaa eynaage campaign harakaaiy thakugai vaahaka fulhu dhahkavaafa eve. Egothun Rouhani dhehvi eh khithoabuge therein eynaage supportarun vanee 2 aharu vandhen geybandhu kohfaivaa, 2009 vana aharuge dhe riyaasee candideytun kamahvaa Mehdi Karroubi aai Mir Hossein Moussavi dhookoh lumah govaalaa adu ufulaafa eve. 2009 vana aharu egaumuge riyaasee inthihaabu eyru verikamugai hunnevi Mahmoud Ahmadinejad kolhah dheelaalumah takaiy olhuvaalaafaivaa kamah adhives gina bayaku gaboolu kuraa roohee leadaru, Ayatollah Ali Khamenei aai eynaage askaree vafaatherin kamahvaa, ingilaabee guardun adhi eguardunge askaree gofi kamahvaa Basij adhives hunnevee egaumugai furihama baaraai ekeega eve. Ehenkamun 2009 vana aharuge manzaru kurehumah takaiy egaumuge islaamee ingilaabuge verin mifaharuge vote ves konme fadha harufatheh giraa kurumah fahu namaves control kohfaane kamah Iran ge gina rayyithun adhives shahku kuramun dhe eve.

Iran ge mifaharuge riyaasee inthihaabugai ingilaabee guardunnaai Basij ves campaign kohfaivanee egaumuge roohee leadaru Ayatollah Ali Khamenei ah vafaatheri adhi iran ge nuclear program gai harukashi siyaasatheh gengulhuhvaa Saeed Jalili asheve. Namaves mifaharuge riyaasee inthihaabugai Saeed Jalili ah libunu 15 insahtha ah vure madhu votun saabithu kohdhenee egaumuge roohee leadaru Ayatollah Ali Khamenei ge siyaasathuthah Iran ge rayyithunnah kamunudhiyun kan haama vegen dhe eve. Mikamuge eh hehkehge gothun midhiya mahu egaumuge Isfahan saharugai oiy Ayatollah Ali Khamenei aai dhekolhu dheenee beyfulhehge janaazaagai ethah haas bayaku baiverive Khamenei ah nisbaiykoh “khudhu muhthaaru veriyaa ah maru” mifadhain vanee adu ufulaafa eve. Iran ge aa raees Rouhani ge kaamiyaabee aai eku gina bayaku mihaaru qaboolu kuraa gothugai, Khamenei dhanee eynaage kilanbu vefaivaa thasveeru alun saafu kurumah masaiykaiy kuramunneve.

Iran ge mifaharuge riyaasee inthihaabakeeves dheemugraathee hama thakaai dhuru inthihaabeh namaves, mifaharuge inthihaabu vanee Iran ge gina rayyithun thakakah, vakin khaassakoh egaumuge zuvaanunnah egaumuge sarukaaruthakun veythuvedhiya 4 aharu kurimathi kuruvi biruveri maahaulu muguraalumah furusatheh dheefa eve. Ehen namaves Iran ge enme nufoozugadha Guardian Council in vanee Khamenei ah eheetheri vedhinumuge gothun  mi inthihaabugai vaadha kurumah ninmaifaivaa KhameneI ge siyaasee hathureh kamugaivaa egaumuge kureege raees Rafsanjani ah inthihaabugai vaadha kurumuge dhoru bandhu kohfa eve. Adhi sarukaaruge salaamathee baaruthakun vanee inthihaabuge kurin khamenei ge siyaasathaai dhekolhu baeh siyaasee harakaaiytherinnaai campaign kuramundhiya faraaiythah hayyaru ves kohfa eve.

 

Mifaharuge inthihaabugai Iran gai vote lee gina rayyithunge sikundeegai enme bodu samaalu kameh dhevunee America ge fihthun thakuge sababun egaumuge theluge viyafaari ah ai heenaru kamun egaumuge inflation ge nisbaiy 30 insahtha ah araigen gos iqthisoadhah kuri neydhevey asaruthakasheve. Rouhani ah gina bayaku vote lee aneh sababu kamah thajuribaakaarun lafaa kuranee 2003 vana aharu egaumah bainal agvaamee mujhthamau in kurimathivi fihthun thakun araigathumah takaiy Additional Protocol gai soikoh, bainal agvaamee hakatha aai behey idhaaraage inspectarunnah Iran ge nuclear reactaru thakah ziyaaraiy kurumuge furusathu hoadhai dhinumunneve. Eyge ithurun hama e’aharu Iranun vanee egaumun kuriah gendhiya uranium fahkaa kurumuge harakaaiythah vaguthee gothun madu jahsaalaafa eve. Iraan ge kureege raees Ahmadinejad  alun egaumuge nuclear program 2005 vana aharu muraajaa kurumuge kurin, 2003 vana aharu Iran in elhi mi fiyavalhuthah vegen dhiyaee Iran ge nuclear program aai medhu bainal agvaamee dhuniyeyge ithubaaru ufedhen feshi kamakasheve.

Rouhani Iran ge raees kamuge maqaamah inthihaabu vegen dhiya iru saafu nuve oiy kamakee Khamenei ge baiverin egaumah haqeeqee badhalu genaumah Rouhani ah furusathu dheyne kamaai medhuga eve.  Iran gai egaumuge ethereyge siyaasathu thakaai beyru gaumuthakaai gulhey gothun egaumun gengulheyne siyaasathuthah kanda elhumaai siyaasee gothun medhu minuge aduthakah jaaga dhinumuge dhuveli kanda alhanee egaumuge raees ehge maqaamugai hunna faraathekeve. Ehen namaves egaumuge roohee leadaru  Khamenei ah egaumuge gaanoonu asaaseen libidhey baaruthakaai alhaa balaa iru Iran ge raees ah libigen vanee kuda baarekeve. Iran ge nuclear program ge sababun egaumah bainal agvaamee dhuniyen kurimathivaa fihthunthah nimumakah gennan Khamenei beynunvaa nama, Rouhani akee ekamah oiy rangalhu furusatheh kamah belevidhaane eve. Inthihaabu kaamiyaabu kurumah fahu dhin furathama message gai Rouhani vidhaalhuvee mulhin aa baabeh feshunee kamashaai, bainal agvaamee mujhthamau in Iran aai medhu gengulhey siyaasathu kuriah vure ithuthiraamaai eku rangalhu kurahvaane kamah ummeedhu kurahvaa kamasheve.