Visnumaai fikuruge badhalu

Bidheysee aku hiyalugai madukoh laigen. Photo: Adamington Online

Dhuniyeah mi anna tharahqee aai heyo badhaluthakekey ehfadhain alhugandumenge mi kuda kuda dhivehi raajje ahves mi dhanee ethakeh badhaluthakeh annamunneve. Ekan alhugandumen enmen midhanee seedhaa koshaai nuseedhaa gothugai thajuribaa kuramunneve. Gaumehge nisbathugai farudhehge haisihyathakee ves muhinmu ehchehkan midhanee miadhuge dhuniyeygai saabithu vamunneve. Musthaqbalah nuvisnaa adhi neyngumuge thereygai kanthahthakaai alhaanulaa thibeveykah miadhaku netheve. Ehves meehakah nuvatha jamaa’athakahves hama kuhli akah nukume kanthahthakeh haasileh nukureveyne eve. Egothah kanthahthah hahlu kuranee nuvatha kurevifai oiy gaumeh dhuniyeygai ebaoiy thoa eve? A’ee ehves bayakah kurevifai oiy kameh kan dhuniyeyge thaareehun ves fennaakah netheve. Mimeyrumun visnaalaa iru, badhalakee eyge zaathugai insaanunnah balaigathumah adhi eah ahuluverivumah vaguthu nagaa kamehkan insaanee thajuribaa hekidhe eve. A’ee badhalakee insaanunge visnumaa fikuruge badhalaai ves gulhifavaa kamakah vumunneve. Adhi hama ehenme, konme badhalakee ves varah naazuku nuvatha ehen gothakah dhannavanee nama “unique” badhalekeve. Kan mihen huri iru, kuri magah visnumakee kobaa hehyeve? A’ee hama gaiymuves emeehaku hurithanunnaai dhaan oiy misraabun kuriah belumeve. Ehen nuvaa kamugai vaneenama alhugandumen dhaan beynunvaa magu olhi, beynunvaa manzilah vaasil vumah dhathi vaane eve. Kuraa konme kamehgaives haasil kuran beynunvaa landudhandi alhugandumen konme meehehge ves onnaane eve. Alhugandu hithun efadha landudhandi eh othun laazimves me eve. Adhi elandudhandi ekasha elhumakee ves alhugandumenge mihayaathuge musthaqbal bahtan kurumah muhinmu kamehge gothugai alhugandah qaboolu kureve eve. Democracy ge bahuruvain nama, “magu charteh” beynun vaane eve. Ehennoon thoa eve? Dhuniyeyge dhiriulhun ujaalaa kurumah takai baahjaverikamah edhigen masaiykaiy kurumakee muhinmu kamekeve. Kanmihen huri iru, dhiriulhumugai thimaage kuri magaai aakhirathuge baahjaverikamah edhi visnaigen masaiykaiy kurumakee kuriah belun kamugai belevidhaane eve. Kurimagah belumugai visnaalun rangalhee, kanthahthah kurumugai abadhuves kuramundhaa kanthahthah ithurah muraajaakoh zamaanah ekasheyne nuvatha fetheyne rangalhu nizaamakah kanthahthah bahtan kurumeve. Namaves migothuge mathin genevey badhaluthakakee kuriah visnaa fikuru kurumahfahu genevey badhaluthakakah vun muhinmeve. Faharugai ebadhaluthah genevey vaguthaai haalathuge gothun ebadhaluthakaa medhu funkoh visnaifainuvaa baehge hithah thafaathu neydhevey ihusaasthakeh kurevumakee ekasheegenvaa kamakah vedhaane eve. Ehen namaves miadhuge dhuniyeygai badhaluthakuge muhinmukan dheneganeveynee dhurah visnaa fikuru kuraa meehunnasheve. Adhi ebadhaluthakuge asaru hajam kurumuge visnumugai huri efadha visnumuge sikundi thakakasheve. Dhuniyeyge masrahaai dhiriulhumuge vahtafaalhi miadhu mivanee badhaluthakehge misraabuge thereyga eve. Ehen gothakah dhannavanee nama, dhuniyeyge maahauluge misraabu mivanee neyngumehge thereyga eve. Mi dhandivalhugai dhuniyeyge badhaluthakah ahuluveri veveynee alhugandumenge nafsuthah ves mi anna badhaluthakaai ehvarah ahuluverive, thaazaave adhi tharahqee vegenneve. Ehenee mulhi dhuniyeygai enburemun midhaa badhaluthakakee alhugandumennah meege kurin dhuvahakuves thasahvuru kurevifai nuvaa thafaathu gina kanthahthakehge oevarehge mahchah binaa vefaivaa badhaluthakakah vaathee eve. Kaarisaathakaai haadhisaa thakakun vashaalevifaivaa badhaluthakekeve. Mifadha haalathehgai alhugandumenge haalathu rangalhu misraabakah gendhiyumah takai, ilmee gothunnaai fikuree gothun insaanaa harudhanaa vaan jehe eve. Aa kanthahthakaai eku aa thajuribaathah ungeni adhi ekanthahthah dhiraasaakurumuge roohehgai dhemi thibey bayakah alhugandumen insaanun vumakee 21 vana garunah loathah hulhuvumah elhey baarakah menuvee nuvaane eve. 21 vana garunakee hama ekani adhuge nuvatha hingamundhaa kamakah fikuru hingailaigen thibeveyne garuneh noonkan dhuniye midhanee alhugandumennah saabithu kohdhemunneve. Ehenkamun alhugandumenge loathah 21 vana garunah rangalhah hulhuvaalumah adhives ehfaharu alhugandu thi enme beyfulhunnah naseyhaiytherive ilthimaas kurameve. Khaassakoh alhuganduge miliyun alhuganduge blog medhuverikoh vidhaalhu vamundhaa beyfulhunnaai beykanbalun mikamugai ithuru baareh laane kamah ummeedhu kuramunneve. 21 vana garunugai gaafil kamuge nidhin nidhaafaivaa bayakah miadhu alhugandumen insaanun vegen, adhuge dhuniyeyge maahaulugai dhiriulheynee kihinaiy thoa eve? Gaumaai dhuniyeyge sifa thakaai aadhakaadha adhi insaanunge dhiriulhumuge “style” thah midhanee badhalehge there’asheve. Ebadhaluthah vanee alhugandumenge vashaigenneve. Ebadhaluthah thibaa ah ihusaas nukurevey nama a’ee mahsala ekeve. Alhuganduge nazarugai varah ves bodu ehaame serious mahsala ekeve. Ehenkamun mikanthahthakah visnaa, dhiraasaa kurumuge lolakun mikanthahthakah nazaru hingaalun muhinmu nuveythoa eve? Kuri magugai alhugandumen insaanun kurimathilaan jehey gonjehunthah varahves gina eve. Ekan miadhuge dhuniyeyge eki kankolhuthakun edhanee fennamunneve. Visnaa fikuru kuraa meehakah ekanthahthakun ibraiy haasil kurumakee dhathi kamakah nuvaane eve. Thimaa nisbaiy vanee kithanme ilmee nuvatha heyluntheri mujhthamau eh namaves neyngumuge maahaulu alhugandumen insaanun dhirimiulhey dhuniyeygai nethekey adhives mulhi akun nudhenneveyne eve. 21 vana garunuge badhaluthakuge thereygai dhiriulhemun alhugandumen dhaairuves emaahaulu adhives hama othee eve. Hama gaimuves alhugandah qaboolukurevey gothugai alhugandumenge gaumugai neyngumuge maahaulu nisbathun adhives othee hama egothuga eve. Meehaku bunibunumah kanthahthah kurumaai kanthahthah qaboolukurumuge zamaan a’ee maazee eve. E’zamaan faaithuvegen nimi hingajje eve. Ehenkamun mujhthamaugai mihaaru harulaafaivaa, “hama ekani edhuvahehge hahlu hoadhumuge formula” dhookohlumah fahu, dhuru raasthaa ah nuvatha kurimagah visnagen musthaqbal binaa kurumuge visnun sikundeegai gengulhey bayakah alhugandumen vaan vehje eve. 21 vana garunuge visnumakee enoon kon gotheh hehyeve?